Улаанбаатар хотын засаг захиргааны зохион байгуулалтыг шинэчлэн, хотын дөрвөн район байгуулсантай холбоотойгоор БНМАУ-ын Ардын Их Хурлын Тэргүүлэгчдийн 1965 оны 08 дугаар сарын 11-ний өдрийн 178 дугаар зарлигаар Улаанбаатар хотын районуудад прокурорын байгууллага байгуулагдсаны дотор тус прокурорын газрыг Найрамдлын районы Прокурорын газар нэртэйгээр байгуулжээ.

Найрамдлын районы Прокурорын газар нь районы прокурор, тусгай хяналтын туслах прокурор, шүүхийн хяналтын туслах прокурор, нарийн бичгийн дарга гэсэн 4 орон тоотойгоор үйл ажиллагаагаа явуулж эхэлсэн түүхтэй.

Улаанбаатар хотын прокурорын тушаалаар тус районы Прокурорын газарт 1974 оноос эхлэн 1 мөрдөн байцаагч ажиллаж байсан байна. 1977 оноос районы Прокурорын газарт ерөнхий хяналтын туслахын орон тоо шинээр нэмсэн байна.

Улсын Их Хурлын 1993 оны 07 дугаар сарын 09-ний өдрийн 59 дүгээр тогтоолын 2 дугаар хавсралтаар Баянзүрх дүүргийн Прокурорын газрыг байгуулан, ахлах прокурор 1, хяналтын прокурор 9, нарийн бичгийн дарга, нярав 1, үйлчлэгч 1, жолооч 1, нийт 10 прокурор, үйлчилгээний болон туслах ажилтан 3 хүний орон тоотой байгуулагдаж, өдгөө тус дүүргийн прокурорын газар нь 75 прокурор, ажилтны орон тоотой ажиллаж байна.